ਆਖ਼ਰੀ ਅਪਡੇਟ 20 ਅਪ੍ਰੈਲ, 2021
ਕੋਵਿਡ-19 ਦਾ ਟੀਕਾ ਵਾਸ਼ਿੰਗਟਨ ਰਾਜ ਵਿੱਚ ਰਹਿਣ ਵਾਲੇ ਜਾਂ ਕੰਮ ਕਰਨ ਵਾਲੇ 16 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਸਾਰੇ ਲੋਕਾਂ ਲਈ ਉਪਲਬਧ ਹੈ। ਇੱਕ ਮੁਲਾਕਾਤ ਲੱਭਣ ਅਤੇ ਨਿਰਧਾਰਿਤ ਕਰਨ ਲਈ ਵੈਕਸੀਨ ਲੋਕੇਟਰ ‘ਤੇ ਜਾਓ। ਕੋਈ ਸਵਾਲ ਹੈ? ਰਾਜ ਕੋਵਿਡ-19 ਜਾਣਕਾਰੀ ਹੌਟਲਾਈਨ ਨੂੰ 1-800-525-0127 ‘ਤੇ ਕਾਲ ਕਰੋ, ਫਿਰ # ਦਬਾਓ। ਭਾਸ਼ਾ ਸਹਾਇਤਾ ਉਪਲਬਧ ਹੈ। ਕੋਵਿਡ-19 ਟੀਕਿਆਂ ਬਾਰੇ ਵਧੇਰੇ ਜਾਣਕਾਰੀ ਲਈ, ਕਿਰਪਾ ਕਰਕੇ ਸਾਡੇ ਕੋਵਿਡ-19 ਟੀਕਾ ਪੰਨੇ ‘ਤੇ ਜਾਓ। (ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ ਹੈ)
ਅਸੀਂ ਤੁਹਾਨੂੰ ਯਕੀਨ ਦਵਾਉਂਦੇ ਹਾਂ ਕਿ:
- ਅਸੀਂ ਸਿਰਫ਼ ਉਹ ਟੀਕੇ ਹੀ ਵੰਡਾਂਗੇ ਜੋ ਕਲੀਨਿਕਲ ਅਜ਼ਮਾਇਸ਼ਾਂ ਵਿੱਚ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਦਿਖਾਈ ਦਿੰਦੇ ਹਨ।
- ਅਸੀਂ ਸਿਰਫ ਉਨ੍ਹਾਂ ਸਮੂਹਾਂ ਨੂੰ ਟੀਕਾ ਵੰਡਾਂਗੇ ਜਿਨ੍ਹਾਂ ਲਈ ਟੀਕਾ ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਹੋਣ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ।
- ਅਸੀਂ ਤੁਹਾਡੀਆਂ ਚਿੰਤਾਵਾਂ ਨੂੰ ਸੁਣਦੇ ਹਾਂ। ਅਸੀਂ ਤੁਹਾਨੂੰ ਅਪਡੇਟ ਰੱਖਾਂਗੇ ਤਾਂ ਕਿ ਤੁਸੀਂ ਆਪਣੀ ਸਿਹਤ ਲਈ ਜਾਣਕਾਰੀ ਅਨੁਸਾਰ ਚੋਣਾਂ ਕਰ ਸਕੋ।
ਟੀਕਿਆਂ ਬਾਰੇ
ਕੋਵਿਡ-19 ਟੀਕੇ ਤੁਹਾਨੂੰ ਕਈ ਤਰੀਕਿਆਂ ਨਾਲ ਬਚਾ ਸਕਦੇ ਹਨ:
- ਇਹ ਕੋਵਿਡ-19 ਤੋਂ ਬਚਾਉਣ ਲਈ ਵਧੀਆ ਤਰੀਕੇ ਨਾਲ ਕੰਮ ਕਰਦੇ ਹਨ
- ਜੇਕਰ ਤੁਹਾਨੂੰ ਕੋਵਿਡ-19 ਹੋ ਜਾਂਦਾ ਹੈ ਤਾਂ ਇਹ ਗੰਭੀਰ ਰੂਪ ਵਿੱਚ ਬਿਮਾਰ ਹੋਣ ਦੀ ਸੰਭਾਵਨਾ ਨੂੰ ਬਿਲਕੁਲ ਹੀ ਘੱਟ ਕਰ ਦਿੰਦੇ ਹਨ
- ਟੀਕੇ ਦੀ ਸੀਰੀਜ਼ ਨੂੰ ਪੂਰਾ ਕਰਨ ਨਾਲ ਹਸਪਤਾਲ ਵਿੱਚ ਤੁਹਾਡੇ ਭਰਤੀ ਹੋਣ ਦੀ ਸੰਭਾਵਨਾ ਘੱਟ ਜਾਂਦੀ ਹੈ ਅਤੇ ਕੋਵਿਡ-19 ਤੋਂ ਤੁਹਾਡੀ ਮੌਤ ਹੋਣ ਦਾ ਜੋਖਿਮ ਘੱਟ ਜਾਂਦਾ ਹੈ
- ਇਹ ਭਾਈਚਾਰੇ ਵਿੱਚ ਉਨ੍ਹਾਂ ਲੋਕਾਂ ਨੂੰ ਸ਼ਾਮਲ ਕਰਦੇ ਹਨ ਜੋ ਸੁਰੱਖਿਅਤ ਹਨ ਅਤੇ ਬਿਮਾਰੀ ਨੂੰ ਫੈਲਣ ਤੋਂ ਰੋਕਦੇ ਹਨ
- ਮਾਹਰ ਵਾਇਰਸ ਨੂੰ ਹੋਰ ਲੋਕਾਂ ਵਿੱਚ ਫੈਲਣ ਤੋਂ ਰੋਕਣ ਲਈ ਟੀਕੇ ਦੀ ਸਮਰੱਥਾ ਦਾ ਲਗਾਤਾਰ ਅਧਿਐਨ ਕਰਦੇ ਰਹਿੰਦੇ ਹਨ।
ਇੱਕ ਵਾਰ ਜਦੋਂ ਤੁਸੀਂ ਪੂਰੇ ਟੀਕੇ ਲਗਵਾ ਲੈਂਦੇ ਹੋ, ਤਾਂ ਤੁਹਾਨੂੰ ਕੋਵਿਡ-19 ਅਜੇ ਵੀ ਹੋਣਾ ਸੰਭਵ ਹੈ, ਪਰ ਇਹ ਤੁਹਾਡੇ ਟੀਕਾ ਨਹੀਂ ਲਗਵਾਉਣ ਨਾਲੋ, ਤਾਂ ਬਹੁਤ ਘੱਟ ਸੰਭਾਵਨਾ ਹੈ। ਕਲੀਨਿਕ ਅਜ਼ਮਾਇਸ਼ਾਂ ਵਿੱਚ, ਕੋਵਿਡ-19 ਦੀ ਗੰਭੀਰ ਬਿਮਾਰੀ ਤੋਂ ਬਚਾਉਣ ਵਿੱਚ ਹਰੇਕ ਟੀਕਾ 85 ਪ੍ਰਤਿਸ਼ਤ ਤੱਕ ਅਸਰਦਾਰ ਰਿਹਾ। ਇਨ੍ਹਾਂ ਟੀਕਿਆਂ ਨੇ ਬਹੁਤ ਸਾਰੇ ਲੋਕਾਂ ਨੂੰ ਕੋਵਿਡ-19 ਦੇ ਕਿਸੇ ਵੀ ਲੱਛਣ ਤੋਂ ਪ੍ਰਭਾਵਿਤ ਹੋਣ ਤੋਂ ਵੀ ਬਚਾਇਆ:
- Johnson & Johnson (Janssen), 74 ਪ੍ਰਤਿਸ਼ਤ
- Pfizer-BioNTech, 95 ਪ੍ਰਤਿਸ਼ਤ
- Moderna, 94 ਪ੍ਰਤਿਸ਼ਤ
Pfizer-BioNTech ਕੋਵਿਡ-19 ਟੀਕਾ: ਟੀਕਾ 16 ਸਾਲ ਜਾਂ ਉਸ ਤੋਂ ਵੱਧ ਉਮਰ ਦੇ ਵਿਅਕਤੀਆਂ ਦੇ ਐਮਰਜੈਂਸੀ ਵਰਤੋਂ ਲਈ ਅਧਿਕਾਰਤ ਹੈ। ਇਹ ਦੋ-ਖੁਰਾਕ ਵਾਲਾ ਟੀਕਾ ਹੈ, ਜੋ 21 ਦਿਨ ਦੇ ਅੰਤਰਾਲ ‘ਤੇ ਦਿੱਤਾ ਜਾਂਦਾ ਹੈ। ਦੂਜੀ ਖੁਰਾਕ ਲੈਣ ਤੋਂ ਬਾਅਦ ਇੱਕ ਤੋਂ ਦੋ ਹਫ਼ਤਿਆਂ ਤੱਕ ਤੁਹਾਨੂੰ ਪੂਰੀ ਤਰ੍ਹਾਂ ਸੁਰੱਖਿਅਤ ਨਹੀਂ ਮੰਨਿਆ ਜਾਂਦਾ। ਕਲੀਨਿਕਲ ਅਜ਼ਮਾਇਸ਼ਾਂ ਨੇ ਕੋਈ ਵੱਡੀਆਂ ਅਸੰਭਾਵਿਤ ਪ੍ਰਤੀਕ੍ਰਿਆਵਾਂ ਨਹੀਂ ਦਿਖਾਈਆਂ। ਇਹ ਟੀਕਾ 14 ਦਸੰਬਰ ਨੂੰ ਵਾਸ਼ਿੰਗਟਨ ਪਹੁੰਚਿਆ ਸੀ।
Moderna ਕੋਵਿਡ-19 ਟੀਕਾ: ਇਹ ਟੀਕਾ 18 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਵਾਸਤੇ ਐਮਰਜੈਂਸੀ ਵਰਤੋਂ ਲਈ ਅਧਿਕਾਰਤ ਹੈ। ਇਹ ਦੋ-ਖੁਰਾਕ ਵਾਲਾ ਟੀਕਾ ਹੈ, ਜੋ 28 ਦਿਨ ਦੇ ਅੰਤਰ ‘ਤੇ ਦਿੱਤਾ ਜਾਂਦਾ ਹੈ। ਦੂਜੀ ਖੁਰਾਕ ਲੈਣ ਤੋਂ ਬਾਅਦ ਇੱਕ ਤੋਂ ਦੋ ਹਫ਼ਤਿਆਂ ਤੱਕ ਤੁਹਾਨੂੰ ਪੂਰੀ ਤਰ੍ਹਾਂ ਸੁਰੱਖਿਅਤ ਨਹੀਂ ਮੰਨਿਆ ਜਾਂਦਾ। ਕਲੀਨਿਕਲ ਅਜ਼ਮਾਇਸ਼ਾਂ ਨੇ ਕੋਈ ਵੱਡੀਆਂ ਅਸੰਭਾਵਿਤ ਪ੍ਰਤੀਕ੍ਰਿਆਵਾਂ ਨਹੀਂ ਦਿਖਾਈਆਂ। ਇਹ ਟੀਕਾ 21 ਦਸੰਬਰ ਦੇ ਹਫ਼ਤੇ ਵਾਸ਼ਿੰਗਟਨ ਪਹੁੰਚਿਆ ਸੀ।
Johnson & Johnson – Janssen ਕੋਵਿਡ-19 ਟੀਕਾ: ਟੀਕਾ 18 ਸਾਲ ਅਤੇ ਉਸ ਤੋਂ ਵੱਡੀ ਉਮਰ ਦੇ ਵਿਅਕਤੀਆਂ ਵਿੱਚ ਐਮਰਜੈਂਸੀ ਵਰਤੋਂ ਲਈ ਅਧਿਕਾਰਿਤ ਹੈ। ਇਹ ਇੱਕੋ ਖੁਰਾਕ (ਇੱਕ ਸ਼ਾਟ) ਵਾਲਾ ਟੀਕਾ ਹੈ। ਟੀਕਾ ਲਗਵਾਉਣ ਤੋਂ ਬਾਅਦ ਇੱਕ ਤੋਂ ਦੋ ਹਫ਼ਤਿਆਂ ਤੱਕ ਤੁਸੀਂ ਪੂਰੀ ਤਰ੍ਹਾਂ ਸੁਰੱਖਿਅਤ ਨਹੀਂ ਮੰਨੇ ਜਾਂਦੇ। ਕਲੀਨਿਕਲ ਅਜ਼ਮਾਇਸ਼ਾਂ ਨੇ ਕੋਈ ਵੱਡੀਆਂ ਅਸੰਭਾਵਿਤ ਪ੍ਰਤੀਕ੍ਰਿਆਵਾਂ ਨਹੀਂ ਦਿਖਾਈਆਂ। ਸਾਨੂੰ ਇਸ ਟੀਕੇ ਦੀ ਆਪਣੀ ਪਹਿਲੀ ਸ਼ਿਪਮੈਂਟ 1 ਮਾਰਚ ਵਾਲੇ ਹਫ਼ਤੇ ਵਿੱਚ ਪ੍ਰਾਪਤ ਹੋਈ।
ਹੋਰ ਵੀ ਕਈ ਟੀਕੇ ਵਿਕਸਤ ਅਤੇ ਟੈਸਟ ਕੀਤੇ ਜਾ ਰਹੇ ਹਨ। ਜਿਵੇਂ ਹੀ ਅਸੀਂ ਹੋਰ ਜਾਣ ਪਾਵਾਂਗੇ, ਅਸੀਂ ਇੱਥੇ ਨਵੀਂ ਜਾਣਕਾਰੀ ਸਾਂਝੀ ਕਰਦੇ ਰਹਾਂਗੇ।
ਕੋਵਿਡ-19 ਟੀਕਾ ਮੇਰੇ ਸ਼ਰੀਰ ਵਿੱਚ ਕਿਵੇਂ ਕੰਮ ਕਰੇਗਾ?
mRNA ਟੀਕੇ
ਇਨ੍ਹਾਂ ਵਿੱਚੋਂ ਦੋ ਟੀਕੇ Food and Drug Administration (FDA, ਭੋਜਨ ਅਤੇ ਦਵਾਈ ਪ੍ਰਬੰਧ) ਦੁਆਰਾ ਪ੍ਰਮਾਣਿਤ ਕੀਤੇ ਗਏਜਿਨ੍ਹਾਂ ਨੂੰ ਮਸੈਂਜਰ RNA (mRNA) ਟੀਕੇ ਕਿਹਾ ਜਾਂਦਾ ਹੈ।
mRNA ਟੀਕੇ ਤੁਹਾਡੇ ਸੈਲਾਂ ਨੂੰ ਕੋਰੋਨਾਵਾਇਰਸ ਸਪਾਈਕ ਪ੍ਰੋਟੀਨ ਦਾ ਨੁਕਸਾਨ ਰਹਿਤ ਟੁਕੜਾ ਬਣਾਉਣਾ ਸਿਖਾਉਂਦੇ ਹਨ। ਤੁਹਾਡੀ ਰੋਗ-ਪ੍ਰਤਿਰੋਧੀ ਪ੍ਰਣਾਲੀ ਦੇਖਦੀ ਹੈ ਕਿ ਪ੍ਰੋਟੀਨ ਸੰਬੰਧ ਨਹੀਂ ਰੱਖਦਾ, ਅਤੇ ਤੁਹਾਡਾ ਸਰੀਰ ਐਂਟੀਬਾਡੀਜ਼ ਬਣਾਉਣਾ ਸ਼ੁਰੂ ਕਰਦਾ ਹੈ। ਇਹ ਐਂਟੀਬਾਡੀਜ਼ ਯਾਦ ਰੱਖਦੀਆਂ ਹਨ ਕਿ ਜੇ ਤੁਸੀਂ ਭਵਿੱਖ ਵਿੱਚ ਸੰਕਰਮਿਤ ਹੁੰਦੇ ਹੋ ਤਾਂ ਕੋਵਿਡ-19 ਨਾਲ ਕਿਵੇਂ ਲੜਨਾ ਹੈ। ਜਦੋਂ ਤੁਸੀਂ ਟੀਕਾ ਲਗਵਾਉਂਦੇ ਹੋ, ਤਾਂ ਤੁਸੀਂ ਬਿਮਾਰ ਹੋਏ ਬਗੈਰ ਕੋਵਿਡ-19 ਲਈ ਸੁਰੱਖਿਆ ਬਣਾਉਂਦੇ ਹੋ।
ਦੋਵੇਂ mRNA ਟੀਕੇ ਦੋ ਖੁਰਾਕ ਹਨ। ਅਧਿਕਤਮ ਸੁਰੱਖਿਆ ਲਈ ਦੂਜੀ ਖੁਰਾਕ ਪ੍ਰਾਪਤ ਕਰਨ ਤੋਂ ਬਾਅਦ ਆਮ ਤੌਰ ‘ਤੇ ਲਗਭਗ ਦੋ ਹਫ਼ਤੇ ਲੱਗਦੇ ਹਨ।
ਵਾਇਰਲ ਵੈਕਟਰ ਟੀਕੇ
ਕੋਵਿਡ-19 ਟੀਕਿਆਂ ਵਿੱਚੋਂ ਇੱਕ ਟੀਕਾ FDA ਦੁਆਰਾ ਪ੍ਰਮਾਣਿਤ ਕੀਤਾ ਗਿਆ ਹੈ ਜਿਸ ਨੂੰ ਵਾਇਰਲ ਵੈਕਟਰ ਟੀਕਾ ਕਿਹਾ ਜਾਂਦਾ ਹੈ।
ਵੈਕਟਰ ਟੀਕੇ ਇੱਕ ਵਾਇਰਸ ਦੇ ਕਮਜ਼ੋਰ ਸੰਸਕਰਨ (ਇੱਕ ਵੱਖਰੇ ਵਾਇਰਸ ਤੋਂ ਜੋ ਕੋਵਿਡ-19 ਦਾ ਕਾਰਨ ਬਣਦਾ ਹੈ) ਨਾਲ ਬਣਾਏ ਜਾਂਦੇ ਹਨ। ਇਹ ਟੀਕੇ ਤੁਹਾਡੇ ਸੈਲਾਂ ਨੂੰ ਕੋਰੋਨਾਵਾਇਰਸ ਸਪਾਈਕ ਪ੍ਰੋਟੀਨ ਦਾ ਨੁਕਸਾਨ ਰਹਿਤ ਟੁਕੜਾ ਬਣਾਉਣਾ ਸਿਖਾਉਂਦੇ ਹਨ। ਤੁਹਾਡੀ ਰੋਗ-ਪ੍ਰਤਿਰੋਧੀ ਪ੍ਰਣਾਲੀ ਦੇਖਦੀ ਹੈ ਕਿ ਪ੍ਰੋਟੀਨ ਸੰਬੰਧ ਨਹੀਂ ਰੱਖਦਾ, ਅਤੇ ਐਂਟੀਬਾਡੀਜ਼ ਬਣਾਉਣਾ ਸ਼ੁਰੂ ਕਰਦਾ ਹੈ। ਤੁਹਾਡਾ ਸਰੀਰ ਇਹ ਸਿੱਖਦਾ ਹੈ ਕਿ ਤੁਹਾਡੇ ਬਿਨਾਂ ਬਿਮਾਰ ਹੋਏ, ਕੋਵਿਡ-19 ਨਾਲ ਭਵਿੱਖ ਵਿੱਚ ਹੋਣ ਵਾਲੇ ਸੰਕਰਮਣ ਤੋਂ ਕਿਵੇਂ ਬਚਾਅ ਕਰਨਾ ਹੈ।
ਵੈਕਟਰ ਟੀਕਾ ਜੋ ਸਾਡੇ ਕੋਲ ਹੈ ਇੱਕ ਖੁਰਾਕ ਹੈ। ਅਧਿਕਤਮ ਸੁਰੱਖਿਆ ਲਈ ਖੁਰਾਕ ਪ੍ਰਾਪਤ ਕਰਨ ਤੋਂ ਬਾਅਦ ਇਸ ਨੂੰ ਆਮ ਤੌਰ ‘ਤੇ ਲਗਭਗ ਦੋ ਹਫ਼ਤੇ ਲੱਗਦੇ ਹਨ।
ਕਈ ਵਾਰ ਟੀਕਾਕਰਨ ਹਲਕੇ ਬੁਖਾਰ ਜਾਂ ਠੰਢ ਵਰਗੇ ਲੱਛਣਾਂ ਦਾ ਕਾਰਨ ਬਣ ਸਕਦਾ ਹੈ, ਪਰ ਇਹ ਨੁਕਸਾਨਦੇਹ ਨਹੀਂ ਹਨ। FDA-ਪ੍ਰਮਾਣਿਤ ਟੀਕਿਆਂ ਬਾਰੇ ਹੋਰ ਜਾਣਨ ਲਈ, ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ ਪੰਨੇ ‘ਤੇ ਜਾਓ। (ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ)
ਵਧੇਰੇ ਜਾਣਕਾਰੀ ਲਈ, mRNA ਟੀਕੇ ਅਤੇ ਵਾਇਰਲ ਵੈਕਟਰ ਟੀਕੇ ‘ਤੇ Centers for Disease Control and Prevention (CDC, ਰੋਗ ਨਿਯੰਤ੍ਰਣ ਅਤੇ ਬਚਾਅ ਲਈ ਕੇਂਦਰ) ਵੈੱਬਪੰਨਿਆਂ ਨੂੰ ਦੇਖੋ। (ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ)
ਕੀ ਮੇਰੇ ਤੋਂ ਟੀਕੇ ਦਾ ਮੁੱਲ ਲਿਆ ਜਾਵੇਗਾ?
ਨਹੀਂ, ਤੁਹਾਨੂੰ ਜੇਬ ਤੋਂ ਬਾਹਰ ਖਰਚਾ ਨਹੀਂ ਲੈਣਾ ਚਾਹੀਦਾ, ਜਾਂ ਆਪਣੇ ਪ੍ਰਦਾਤਾ ਜਾਂ ਟੀਕਾਕਰਨ ਦੀ ਸਹੂਲਤ ਤੋਂ ਬਿਲ ਪ੍ਰਾਪਤ ਨਹੀਂ ਕਰਨਾ ਚਾਹੀਦਾ। ਇਹ ਉਹਨਾਂ ਲੋਕਾਂ ‘ਤੇ ਲਾਗੂ ਹੁੰਦਾ ਹੈ ਜਿਨ੍ਹਾਂ ਕੋਲ ਨਿੱਜੀ ਬੀਮਾ ਹੈ, Apple Health (Medicaid), Medicare ਹੈ, ਜਾਂ ਜੋ ਬੀਮਾ-ਰਹਿਤ ਹਨ।
ਜੇ ਤੁਸੀਂ ਟੀਕਾਕਰਨ ਕਰਾਉਣ ਲਈ ਆਪਣੇ ਪ੍ਰਦਾਤਾ ਦੇ ਕੋਲ ਹੁੰਦੇ ਹੋਏ ਹੋਰ ਸੇਵਾਵਾਂ ਪ੍ਰਾਪਤ ਕਰਦੇ ਹੋ, ਤਾਂ ਤੁਹਾਨੂੰ ਦਫਤਰ ਦੇ ਦੌਰੇ ਲਈ ਬਿੱਲ ਮਿਲ ਸਕਦਾ ਹੈ। ਇਸ ਨੂੰ ਰੋਕਣ ਲਈ, ਤੁਸੀਂ ਆਪਣੇ ਪ੍ਰਦਾਤਾ ਤੋਂ ਪਹਿਲਾਂ ਕੀਮਤ ਬਾਰੇ ਪੁੱਛ ਸਕਦੇ ਹੋ।
ਜੇਕਰ ਕੋਵਿਡ-19 ਟੀਕੇ ਲਈ ਤੁਹਾਡੇ ਤੋਂ ਪੈਸੇ ਵਸੂਲ ਕੀਤੇ ਜਾਂਦੇ ਹਨ ਜਾਂ ਇੱਕ ਬਿਲ ਦਿੱਤਾ ਜਾਂਦਾ ਹੈ ਤਾਂ ਕੀ ਕਰਨਾ ਹੈ
ਜੇ ਤੁਹਾਡੇ ਕੋਲ ਸਿਹਤ ਬੀਮਾ ਹੈ, ਤਾਂ ਪਹਿਲਾਂ ਆਪਣੀ ਬੀਮਾ ਯੋਜਨਾ ਨਾਲ ਸੰਪਰਕ ਕਰੋ। ਜੇ ਇਸ ਨਾਲ ਮਸਲਾ ਹੱਲ ਨਹੀਂ ਹੁੰਦਾ, ਤਾਂ ਤੁਸੀਂ (ਬੀਮਾ ਕਮਿਸ਼ਨਰ ਦੇ ਦਫ਼ਤਰ) Office of the Insurance Commissioner ਸ਼ਿਕਾਇਤ ਦਰਜ ਕਰ ਸਕਦੇ ਹੋ।
- ਟੈਲੀਫੋਨ ਦੁਭਾਸ਼ੀਏ ਸੇਵਾ ਲਈ 800-562-6900 ‘ਤੇ ਕਾਲ ਕਰੋ (100 ਤੋਂ ਵੱਧ ਭਾਸ਼ਾਵਾਂ ਵਿੱਚ ਤੁਹਾਡੇ ਲਈ ਬਿਨਾਂ ਕੀਮਤ ਤੇ ਉਪਲਬਧ)
- TDD/TYY: 360-586-0241
- TDD: 800-833-6384
ਜੇ ਤੁਹਾਡੇ ਕੋਲ ਸਿਹਤ ਬੀਮਾ ਨਹੀਂ ਹੈ, ਪ੍ਰਦਾਤਾ ਤੁਹਾਡੇ ਤੋਂ ਟੀਕੇ ਲਈ ਕੀਮਤ ਨਹੀਂ ਲੈ ਸਕਦੇ ਹਨ ਅਤੇ ਹੋ ਸਕਦਾ ਹੈ ਕਿ ਉਹ ਕੋਵਿਡ-19 ਟੀਕੇ ਦੇ ਪ੍ਰੋਗਰਾਮ ਦੀਆਂ ਲੋੜਾਂ ਦੀ ਉਲੰਘਣਾ ਕਰ ਰਹੇ ਹੋਣ। ਜੇ ਤੁਹਾਡੇ ਤੋਂ ਸ਼ੁਲਕ ਲਿਆ ਜਾਂਦਾ ਹੈ ਤਾਂ ਕਿਰਪਾ ਕਰਕੇ covid.vaccine@doh.wa.gov ਤੇ ਈਮੇਲ ਕਰੋ।
ਜੇ ਮੈਨੂੰ ਕੋਵਿਡ-19 ਟੀਕਾ ਦਿੱਤਾ ਜਾਂਦਾ ਹੈ, ਤਾਂ ਕੀ ਮੈਨੂੰ ਹੋਰ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ?
ਹਾਂ। ਭਾਵੇਂ ਤੁਸੀਂ ਟੀਕਾ ਲਗਵਾ ਲਿਆ ਹੈ, ਤੁਹਾਨੂੰ ਫਿਰ ਵੀ ਵਾਰ-ਵਾਰ ਆਪਣੇ ਹੱਥ ਧੋਣੇ ਚਾਹੀਦੇ ਹਨ, ਮਾਸਕ ਪਹਿਨਣਾ ਚਾਹੀਦਾ ਹੈ, ਦੂਜਿਆਂ ਤੋਂ ਛੇ ਫੁੱਟ (2 ਮੀਟਰ) ਦੀ ਦੂਰੀ ਬਣਾ ਕੇ ਰੱਖਣੀ ਚਾਹੀਦੀ ਹੈ ਅਤੇ ਆਪਣੇ ਇਕੱਠ ਨੂੰ ਛੋਟਾ ਰੱਖਣਾ ਚਾਹੀਦਾ ਹੈ।
ਸਾਡੇ ਰਾਜ ਵਿੱਚ ਕਈ ਲੋਕ ਅਜੇ ਤੱਕ ਟੀਕਾ ਪ੍ਰਾਪਤ ਕਰਨ ਦੇ ਯੋਗ ਨਹੀਂ ਹੋ ਪਾਏ ਹਨ ਅਤੇ ਹੋਰ ਲੋਕ ਟੀਕੇ ਲਈ ਯੋਗ ਨਹੀਂ ਹਨ। ਮਾਸਕ ਅਤੇ ਹੋਰ ਸੁਰੱਖਿਆ ਉਪਾਅ ਕੋਵਿਡ-19 ਨੂੰ ਉਨ੍ਹਾਂ ਲੋਕਾਂ ਤੱਕ ਫੈਲਣ ਤੋਂ ਰੋਕ ਸਕਦੇ ਹਨ ਜਿਨ੍ਹਾਂ ਨੇ ਟੀਕਾ ਨਹੀਂ ਲਗਵਾਇਆ ਹੈ।
ਕੋਵਿਡ-19 ਟੀਕੇ ਦੀ ਖੋਜ ਅਤੇ ਜਾਂਚ ਹੋਰਾਂ ਵੈਕਸੀਨਾਂ ਦੀ ਤੁਲਨਾ ਵਿੱਚ ਵਧੇਰੇ ਤੇਜ਼ੀ ਨਾਲ ਕਿਉਂ ਕੀਤੀ ਜਾ ਰਹੀ ਹੈ?
ਵਿਗਿਆਨੀ ਟੀਕੇ ਦੇ ਵਿਕਾਸ ਵਿੱਚ ਮਦਦ ਲਈ ਇੱਕ ਦਹਾਕੇ ਦੀ ਟੀਕਾ ਵਿਗਿਆਨ ਖੋਜ ਦੀ ਵਰਤੋਂ ਕਰ ਰਹੇ ਹਨ। ਕਿਉਂਕਿ ਅਸੀਂ ਮਹਾਂਮਾਰੀ ਦੇ ਵਿੱਚੋਂ ਲੰਘ ਰਹੇ ਹਾਂ, ਇਸ ਲਈ ਨਵਾਂ ਟੀਕਾ ਤਿਆਰ ਕਰਨ ਦੀ ਪ੍ਰਕਿਰਿਆ ਸਧਾਰਨ ਸਥਿਤੀ ਤੋਂ ਤੇਜ਼ ਹੋ ਸਕਦੀ ਹੈ। ਕਿਸੇ ਵੀ ਚਰਨ ਨੂੰ ਛੱਡਿਆ ਨਹੀਂ ਗਿਆ ਹੈ, ਪਰ ਕੁਝ ਚਰਨ ਇੱਕੋ ਸਮੇਂ ‘ਤੇ ਹੁੰਦੇ ਹਨ, ਜਿਵੇਂ ਕਿ ਵਰਤੋਂ, ਜਾਂਚਾਂ ਅਤੇ ਨਿਰਮਾਣ।
ਟੀਕਾ ਲੈਣ ਵਾਲੇ ਹਰ ਵਿਅਕਤੀ ਦੀ ਕਈ ਕਲੀਨਿਕਲ ਅਜ਼ਮਾਇਸ਼ਾਂ ਕੀਤੀਆਂ ਜਾਂਦੀਆਂ ਹਨ। ਪਹਿਲਾਂ ਵਾਲੰਟੀਅਰਾਂ ਦੇ ਇੱਕ ਛੋਟੇ ਸਮੂਹ ਨਾਲ, ਫਿਰ ਕੁਝ ਸੌ ਵਾਲੰਟੀਅਰਾਂ, ਉਸ ਦੇ ਬਾਅਦ ਹਜ਼ਾਰਾਂ ਲੋਕਾਂ ਨੂੰ ਦਿੱਤਾ ਜਾਵੇਗਾ। ਕਲੀਨਿਕਲ ਅਜ਼ਮਾਇਸ਼ਾਂ ਤੋਂ ਬਾਅਦ, ਡਾਕਟਰੀ ਮਾਹਰ ਨਤੀਜਿਆਂ ਅਤੇ ਕਿਸੇ ਵੀ ਮਾੜੇ ਪ੍ਰਭਾਵਾਂ ਦੀ ਸਮੀਖਿਆ ਕਰਦੇ ਹਨ। ਜੇ ਟੀਕਾ ਕੰਮ ਕਰਦਾ ਹੈ ਅਤੇ ਸੁਰੱਖਿਅਤ ਹੈ, ਤਾਂ ਇਹ ਲੋਕਾਂ ਤੱਕ ਪਹੁੰਚਾਉਣ ਲਈ ਮਨਜ਼ੂਰ ਹੋ ਜਾਂਦਾ ਹੈ।
ਜੇ ਮੈਨੂੰ ਕੋਵਿਡ-19 ਹੋਇਆ ਹੈ ਤਾਂ ਕੀ ਮੈਂ ਕੋਵਿਡ-19 ਦਾ ਟੀਕਾ ਲੈ ਸਕਦਾ ਹਾਂ?
ਹਾਂ, Advisory Committee on Immunization Practices (ACIP, ਟੀਕਾਕਰਨ ਅਭਿਆਸਾਂ 'ਤੇ ਸਲਾਹਕਾਰ ਕਮੇਟੀ) ਉਸ ਕਿਸੇ ਵੀ ਵਿਅਕਤੀ ਨੂੰ ਟੀਕਾ ਲਗਵਾਉਣ ਦੀ ਸਲਾਹ ਦਿੰਦੀ ਹੈ ਜਿਸ ਨੂੰ ਕੋਵਿਡ-19 ਹੋਇਆ ਹੈ।
ਡੇਟਾ ਤੋਂ ਪਤਾ ਚੱਲਦਾ ਹੈ ਕਿ ਤੁਹਾਡੇ ਲਾਗ ਲੱਗਣ ਦੇ 90 ਦਿਨਾਂ ਬਾਅਦ ਕੋਵੀਡ-19 ਨਾਲ ਦੁਬਾਰਾ ਸੰਕਰਮਿਤ ਹੋਣਾ ਅਸਧਾਰਨ ਹੈ, ਇਸ ਲਈ ਤੁਸੀਂ ਕੁਝ ਸੁਰੱਖਿਆ (ਜਿਸ ਨੂੰ ਕੁਦਰਤੀ ਛੋਟ ਕਹਿੰਦੇ ਹਨ) ਰੱਖ ਸਕਦੇ ਹੋ। ਹਾਲਾਂਕਿ, ਅਸੀਂ ਨਹੀਂ ਜਾਣਦੇ ਕਿ ਕੁਦਰਤੀ ਛੋਟ ਰੋਗ ਨਾਲ ਲੜਨ ਦੀ ਸ਼ਕਤੀ ਕਿੰਨੀ ਦੇਰ ਰਹਿ ਸਕਦੀ ਹੈ।
ਉਹ ਲੋਕ ਜਿਨ੍ਹਾਂ ਨੂੰ ਇਸ ਵੇਲੇ ਕੋਵੀਡ-19 ਹੈ ਨੂੰ ਟੀਕਾ ਲਗਵਾਉਣ ਲਈ ਉਡੀਕ ਕਰਨੀ ਚਾਹੀਦੀ ਹੈ ਜਦੋਂ ਤੱਕ ਉਹ ਬਿਹਤਰ ਮਹਿਸੂਸ ਨਹੀਂ ਕਰਦੇ ਅਤੇ ਉਨ੍ਹਾਂ ਦੀ ਇਕਾਂਤਵਾਸ ਅਵਧੀ ਖਤਮ ਹੋ ਜਾਂਦੀ ਹੈ, ਜੇ ਸੰਭਵ ਹੋਵੇ।
ਜਿਨ੍ਹਾਂ ਲੋਕਾਂ ਨੇ ਹਾਲ ਹੀ ਵਿੱਚ ਕੋਵਿਡ-19 ਦਾ ਸਾਹਮਣਾ ਕੀਤਾ ਹੈ, ਉਨ੍ਹਾਂ ਨੂੰ ਵੀ ਆਪਣੇ ਕੁਆਰੰਟਾਈਨ ਪੀਰੀਅਡ, ਜੇ ਉਹ ਸੁਰੱਖਿਅਤ ਰੂਪ ਵਿੱਚ ਦੂਜੇ ਲੋਕਾਂ ਤੋਂ ਅਲੱਗ ਰਹਿ ਸਕਦੇ ਹਨ, ਦੇ ਬਾਅਦ ਟੀਕਾ ਲਗਵਾਉਣ ਦੀ ਉਡੀਕ ਕਰਨੀ ਚਾਹੀਦੀ ਹੈ। ਜੇ ਕੋਈ ਉੱਚ ਜੋਖਮ ਹੁੰਦਾ ਹੈ ਕਿ ਉਹ ਦੂਜਿਆਂ ਨੂੰ ਸੰਕਰਮਿਤ ਕਰ ਸਕਦੇ ਹਨ, ਬਿਮਾਰੀ ਫੈਲਣ ਤੋਂ ਰੋਕਣ ਲਈ ਉਨ੍ਹਾਂ ਦੀ ਕੁਆਰੰਟੀਨ ਅਵਧੀ ਦੌਰਾਨ ਉਨ੍ਹਾਂ ਨੂੰ ਟੀਕਾ ਲਗਾਇਆ ਜਾ ਸਕਦਾ ਹੈ।
ਕੀ ਮੈਨੂੰ ਕੋਵਿਡ-19 ਟੀਕਾ ਲਗਵਾਉਣਾ ਚਾਹੀਦਾ ਹੈ?
ਟੀਕਾ ਲਗਵਾਉਣਾ ਤੁਹਾਡੀ ਇੱਛਾ ਹੋਵੇਗੀ। ਵਾਸ਼ਿੰਗਟਨ ਇਸ ਵੇਲੇ ਟੀਕੇ ਲਈ ਕਿਸੇ ਵੀ ਆਦੇਸ਼ 'ਤੇ ਵਿਚਾਰ ਨਹੀਂ ਕਰ ਰਿਹਾ ਹੈ, ਪਰ ਰੋਜ਼ਗਾਰਦਾਤਾ ਨੂੰ ਇਨ੍ਹਾਂ ਦੀ ਲੋੜ ਹੋ ਸਕਦੀ ਹੈ। ਟੀਕਾ ਤੁਹਾਨੂੰ ਅਤੇ ਦੂਜਿਆਂ ਨੂੰ ਕੋਵਿਡ-19 ਤੋਂ ਪ੍ਰਭਾਵਿਤ ਹੋਣ ਤੋਂ ਬਚਾ ਸਕਦਾ ਹੈ। ਸਾਡਾ ਮੰਨਣਾ ਹੈ ਤੁਹਾਨੂੰ ਫਾਇਦਿਆਂ ਬਾਰੇ ਆਪਣੇ ਸਿਹਤ ਦੇਖਭਾਲ ਪ੍ਰਦਾਤਾ ਜਾਂ ਕਲੀਨਿਕ ਨਾਲ ਗੱਲਬਾਤ ਕਰਨੀ ਚਾਹੀਦੀ ਹੈ।
ਆਪਣਾ ਟੀਕਾ ਲਗਵਾਉਣ ਤੋਂ ਪਹਿਲਾਂ ਮੈਨੂੰ ਕੀ ਜਾਣਨ ਦੀ ਲੋੜ ਹੈ?
ਕਿਰਪਾ ਕਰਕੇ ਸਾਡੀ ਤੱਥ ਸ਼ੀਟ ਕੋਵਿਡ-19 ਲਈ ਟੀਕਾ ਲਗਵਾਉਣਾ (PDF) ਨੂੰ ਦੇਖੋ।
ਕੀ ਮੈਨੂੰ ਟੀਕਾ ਲਗਵਾਉਣ ਲਈ ਸੰਯੁਕਤ ਰਾਜ ਅਮਰੀਕਾ ਦਾ ਨਾਗਰਿਕ ਹੋਣਾ ਪਏਗਾ?
ਨਹੀਂ, ਤੁਹਾਨੂੰ ਟੀਕਾ ਲਗਵਾਉਣ ਲਈ ਸੰਯੁਕਤ ਰਾਜ ਦੇ ਨਾਗਰਿਕ ਹੋਣ ਦੀ ਲੋੜ ਨਹੀਂ ਹੈ। ਇਸਦਾ ਮਤਲਬ ਹੈ ਕਿ ਤੁਹਾਨੂੰ ਟੀਕਾ ਲਗਵਾਉਣ ਲਈ ਕਿਸੇ ਸਮਾਜਕ ਸੁਰੱਖਿਆ ਨੰਬਰ, ਜਾਂ ਆਪਣੀ ਇਮੀਗ੍ਰੇਸ਼ਨ ਸਥਿਤੀ ਵਾਲੇ ਹੋਰ ਦਸਤਾਵੇਜ਼ਾਂ ਦੀ ਲੋੜ ਨਹੀਂ ਹੈ। ਕੁਝ ਟੀਕਾ ਪ੍ਰਦਾਨ ਕਰਨ ਵਾਲੇ ਸਮਾਜਿਕ ਸੁਰੱਖਿਆ ਨੰਬਰ ਮੰਗ ਸਕਦੇ ਹਨ ਪਰ ਤੁਹਾਨੂੰ ਦੇਣ ਦੀ ਲੋੜ ਨਹੀਂ।
Department of Health (DOH, ਸਿਹਤ ਵਿਭਾਗ) ਵਾਸ਼ਿੰਗਟਨ ਵਿੱਚ ਰਹਿਣ ਜਾਂ ਕੰਮ ਕਰਨ ਵਾਲੇ 16 ਸਾਲ ਅਤੇ ਉਸ ਤੋਂ ਵੱਧ ਉਮਰ ਦੇ ਸਾਰੇ ਲੋਕਾਂ ਨੂੰ ਟੀਕਾ ਲਗਵਾਉਣ ਦੀ ਸਿਫਾਰਿਸ਼ ਕਰਦਾ ਹੈ।
ਕੀ ਮੈਨੂੰ ਵਾਸ਼ਿੰਗਟਨ ਵਿੱਚ ਟੀਕਾ ਲਗਵਾਉਣ ਲਈ ਆਪਣੀ ਆਈਡੀ ਦਿਖਾਉਣੀ ਪਏਗੀ?
ਸਾਡੇ ਰਾਜ-ਸੰਚਾਲਿਤ ਵਿਆਪਕ ਟੀਕਾਕਰਣ ਕਲੀਨਿਕਾਂ (Ridgefield, Spokane, Kennewick, and Wenatchee) ਵਿਖੇ ਟੀਕਾ ਲਗਵਾਉਣ ਲਈ ਜ਼ਰੂਰੀ ਹੈ ਕਿ ਤੁਸੀਂ ਵਾਸ਼ਿੰਗਟਨ ਵਿੱਚ ਰਹਿੰਦੇ ਹੋ ਜਾਂ ਕੰਮ ਕਰਦੇ ਹੋ। ਜੇ ਤੁਸੀਂ ਵਾਸ਼ਿੰਗਟਨ ਵਿੱਚ ਨਹੀਂ ਰਹਿੰਦੇ ਜਾਂ ਕੰਮ ਨਹੀਂ ਕਰਦੇ, ਤਾਂ ਕਿਰਪਾ ਕਰਕੇ ਟੀਕਿਆਂ ਲਈ ਅਪਾਇੰਟਮੈਂਟ ਨਾ ਨਿਯੁਕਤ ਕਰੋ ਜਾਂ ਵਾਸ਼ਿੰਗਟਨ ਵਿੱਚ ਵੱਡੇ ਟੀਕਾਕਰਨ ਕਲੀਨਿਕਾਂ ਦੀ ਯਾਤਰਾ ਨਾ ਕਰੋ।
ਜਿਹੜੇ ਲੋਕ ਇਨ੍ਹਾਂ ਚਾਰਾਂ ਸਾਈਟਾਂ 'ਤੇ ਟੀਕਿਆਂ ਲਈ ਰਜਿਸਟਰ ਕਰਦੇ ਹਨ ਉਨ੍ਹਾਂ ਨੂੰ ਹੇਠ ਲਿਖੀਆਂ ਵਿੱਚੋਂ ਇੱਕ ਦਿਖਾਉਣ ਲਈ ਕਿਹਾ ਜਾ ਸਕਦਾ ਹੈ:
- ਡਰਾਈਵਰ ਲਾਇਸੈਂਸ ਜਾਂ ਕੰਮ / ਸਕੂਲ ਦਾ ਆਈਡੀ
- ਆਪਣੇ ਪਤੇ ਦੇ ਨਾਲ ਪੱਤਰ
- ਸਹੂਲਤ ਬਿਲ
- ਵਾਸ਼ਿੰਗਟਨ ਰਾਜ ਦੇ ਪਤੇ ਨਾਲ ਸਟੇਟਮੈਂਟ/ਪੱਤਰ
- ਰੋਜਗਾਰਦਾਤਾ, ਵਿਸ਼ਵਾਸ-ਅਧਾਰਤ ਸੰਸਥਾ, ਸਿਹਤ ਦੇਖਭਾਲ ਪ੍ਰਦਾਤਾ, ਸਕੂਲ ਜਾਂ ਹੋਰ ਰਜਿਸਟਰਡ ਸੰਸਥਾ ਜਾਂ ਏਜੰਸੀ ਆਦਿ ਦਾ ਵਾਉਚਰ ਕਿ ਉਹ ਵਿਅਕਤੀ ਵਾਸ਼ਿੰਗਟਨ ਰਾਜ ਵਿੱਚ ਰਹਿੰਦਾ ਹੈ ਜਾਂ ਕੰਮ ਕਰਦਾ ਹੈ।
ਟੀਕਾ ਕੇਂਦਰ ਕਿਸੇ ਵੀ ਤਰੀਕੇ ਨਾਲ ਇਸ ਜਾਣਕਾਰੀ ਦੀ ਕਾਪੀ ਨਹੀਂ ਬਣਾਏਗਾ ਜਾਂ ਉਸਨੂੰ ਰਿਕਾਰਡ ਨਹੀਂ ਕਰੇਗਾ। ਇਹ ਸਿਰਫ ਇਹ ਦਰਸਾਉਣ ਲਈ ਹੈ ਕਿ ਤੁਸੀਂ ਵਾਸ਼ਿੰਗਟਨ ਰਾਜ ਵਿੱਚ ਰਹਿੰਦੇ ਹੋ ਜਾਂ ਕੰਮ ਕਰਦੇ ਹੋ।