Faavae o Faiga Faalilolilo mo le WA Notify

O lenei faavae e faaaoga mo le WA Notify (Auaunaga Taulogologo a le Setete a Uosigitone), o le tekinolosi faaneionapoo o loo faaaogaina faapitoa mo le Setete o Uosigitone e faailoa atu ai pe ua e ono pesia. O le WA Notify sa fausia i lalo o le vaavaaiga ma e iai le faatagana mai le Department of Health (DOH, Matagaluega o Soifua Maloloina) a le Setete o Uosigitone.

O a faamatalaga e matou te aoina mai ma faaaoga?

O faamatalaga nei e ono ao ina mai e le WA Notify:

  • Pe a sefeina i luga o lau telefoni poo le faaola ina o le WA Notify.
  • Pe a mauaina o se faasilasilaga ua ono pesia se tasi i le faamai.
  • Pe a fa'aaogaina o se numera faalilolilo poo se fesootaiga faaneionapo mai lenei polokalame.
  • Pe a fa'aaogaina faailoga e le faasinoina mo latou ua faamaonia ua latou pesia i le faamai ma ua latou filifili e logo atu isi tagata.

E faaaoga e le Department of Health (DOH, Matagaluega o Soifua Maloloina) a le Setete o Uosigitone faamatalaga ua taua i luga ina ia malamalama pe faapefea ona faaaogaina e tagata le WA Notify. O nei faamatalaga e ono faasoa atu i le DOH, o isi faalapotopotoga soifua maloloina mo tagata lautele, poo ofisa soifua maloloina o lo o maua le faatagana. E ao foi ona faaaoga mo le suesuega faamatematika poo suesuega faasaenitisi. O nei faamatalaga e le aofia ai ni faamatalaga e patino ia te oe lava poo ni faamaumauga i nofoaga sa e i ai ma e le faaaoga foi e iloaina ai se tasi o loo fa'aaogaina le WA Notify.

Ina ia alu gatasi ma le faamoemoe a kamupani o le Google ma le Apple, o le WA Notify ua fausia ina ia malu puipuia le tagata e faaaogaina o se faamoemoe numera tasi. O le WA Notify e maua ai nei tusitusiga, ae e le o maua ai ni faamatalaga e mafai ai ona iloa ai oe:

O Faailoga e Le Faasinoina poo Random Codes

  • O faailoga e le faasinoina e faasoa atu e ala i le Bluetooth i telefoni o tagata e fa'aaogaina le WA Notify pe a latou faatasi i se nofoaga.
  • O nei faailoga e le faasinoina e tusia ma sefeina e lau telefoni, ae le o le WA Notify.
  • O faailoga e le faasinoina e faaaoga ina ia mafai e le WA Notify ma lau telefoni ona faamaonia pe ua e ono pesia i le KOVITI-19.
  • O faailoga e le faasinoaina e sefe mo se taimi e le silia ma le 14 aso.

Faailoga ma fesootaiga faamaonia

  • Afai ua faamaonia lau suesuega mo le KOVITI-19, ma e faafesootai atu oe e se tasi o le ofisa soifua maloloina lautele mo lou lotoifale, e latou te fesili atu poo e fa'aaogaina le WA Notify. Afai e ioe, e latou te lafoina atu le faailoga poo le fesootaiga ia te oe e tuu i totonu o lou WA Notify.
  • E lafo atu foi e le DOH se faaaliga ma/poo se feau tusitusia e maua ai le fesootaiga faamaonia i tagata uma ua faamaonia o latou suesuega o le KOVITI-19 ina ia mafai e latou e faaaogaina le WA Notify ona logo atu isi ua ono pesia i se auala vave ma e puipuia ai i latou.
    • O le oomi ina o le faaaliga poo le fesootaiga faamaonia e faataga ai ona faasoa atu o au faailoga e le faasinoina ina ia mafai ona logo atu isi tagata o loo fa'aaogaina le WA Notify sa latalata ane ia te oe ua latou ono pesia e aunoa ma le faailoa atu o lou tagata.
    • E lafo atu e le DOH le feau tusitusia e iai le fesootaiga faamaonia i tagata uma e faamaonia o latou suesuega mo le KOVITI-19 aua matou te le iloa poo ai e faaaogaina le WA Notify. Afai e te le o faaaogaina le WA Notify, e mafai ona e le amanaia le feau tusitusia.
    • E filifili e oe pe oomiina le faaaliga poo le fesootaiga faamaonia ina ia logo atu latou o loo fa'aaogaina le WA Notify i se auala e puipuia ai oe.

Faamaumauga o le Faaaogaina

  • E pei o le tele o isi polokalame ma auaunaga faaneionapo, e faamauina e le WA Notify pe a e faaaogaina lenei auaunaga. O nei faamaumauga e aofia ai nisi faamatalaga e uiga i lau telefoni feaveai. Matou te fa'aaogaina nei faamatalaga e toe faalelei ai faafitauli ua maitauina i le WA Notify.
  • O faamaumauga nei e le aofia ai faailoga e le faasinoina poo faailoga ma fesootaiga faamaonia ma e le mafai ona faaaoga soo se tasi o nei mea e toe faafesootai atu oe e ala i lau telefoni feaveai.
  • O nei faamaumauga e otometi ona tape ese pea uma le 14 aso talu ona faamauina.

Faamaumauga mo Auiliiliga

  • Afai ua e faaolaina le auiliiliga faaopoopo, e iai nisi o faamaumauga faapitoa o le a faasoaina atu i le DOH mo le faalelei atili o lea polokalame faaneionapo.
  • O faamaumauga nei e aofia ai faamatalaga i le fa'aaogaina o lenei polokalame. E le aofia ai ni faamatalaga e mafai ona iloaina ai lou tagata.
  • E mafai ona e filifili e aua nei faasoa atu nei faamatalaga e ala i le tapeina o le faasoaina o nei auiliiliga i totonu o le polokalame.

Ua fausiaina le WA Notify ina ia le mafai ona aoina mai faamaumauga tau nofoaga mail au telefoni feaveai ma e le aoina mai pe faasoaina atu faamaumauga e faafesootai ai oe poo lau telefoni i faailoga e le faasinoina (poo random codes) ma faailoga faamaonia (poo verification codes).

O le a le mea e tupu pe a e talosagaina se faailoga faamaonia:

O tagata e fa'aaogaina le WA Notify ma ua faamaonia o latou suesuega e faatino i le fale mo le KOVITI-19 e mafai ona latou talosagaina se faailoga faamaonia mai le WA Notify ina ia logo atu i se auala puipuia isi tagata o loo fa'aaogaina le WA Notify i le ono pesia. Ina ia maua le faailoga faamaonia, e tatau ona tuuina atu e le o lo o fa'aaogaina le WA Notify le aso sa faamaonia ai o latou suesuega ma le numera telefoni. O le telefoni lava e tasi sa faaaoga e talosaga mai ai se faailoga faamaonia e tatau ona faaaoga e oomi ai le faailoga faamaonia poo le fesootaiga faamaonia e logo atu, i se auala puipuia, isi tagata o loo fa'aaogaina le WA Notify i le ono pesia.

Ina ia puipui mai le faateleina o ripoti mai le suesuega lava e tasi, e sefeina mo se taimi puupuu e le WA Notify se numera faalilolilo e avea ma sui o le numera telefoni sa talosagaina le faailoga faamaonia mo le 90 aso. O nei faamatalaga e le aofia ai ni faamatalaga e patino ia te oe lava poo ni faamaumauga i nofoaga sa e i ai ma e le faaaoga foi e iloaina ai se tasi o loo fa'aaogaina le WA Notify.

O afea e matou te faasoaina atu au faamaumauga?

Matou te le aoina mai pe faasoaina atu ou faamatalaga ma soo se tagata, sei vagana ua e filifili e faaaoga se faailoga faamaonia pe oomi se fesootaiga faamaonia. Afai e te filifili ina lenei tulaga, e faasoa atu e le WA Notify faailoga e le faasinoina mail au telefoni i isi telefoni sa latalata i lau telefoni. O le faailoga poo le fesootaiga faamaonia e le mafai ona faaaoga e toe maua ai oe e se tagata seiloga ua iai se avanoa mo lena tagata e tagolima i lau telefoni feaveai. Toe tagai i le vaega ua faaulutalaina o le “O a Faamatalaga e Matou te Aoina Mai ma Faaaoga?” i le amataga o lenei pepa ina ia iloa atili i faamaumauga e aoina mai ma faaaogaina i le WA Notify.

E faapefea ona matou puipui au faamatalaga?

E puipui e le WA Notify faailoga e le faasinoina e ala i le fa'aaogaina o le Faiga Faavae mo Faaaliga i le Ono Pesia a le Google ma le Apple, e aofia iai faatonuga auiliili e uiga i le faaliliuga ma le lafoina atu o faamaumauga. E le sefeina pe tusia e le WA Notify nei faailoga e le faasinoina — e faatinoa e lau telefoni feaveai nei tulaga.

O au aia tatau i au faamaumauga

Ona e o le tulaga e le mafai ona maua e se isi se fesootaiga a oe ma au faailoga faamaonia poo faamaumauga a le polokalame afai e leai se avanoa e tagolima i lau telefoni feaveai, e le mafai ai e le DOH ona mauaina nei faamatalaga. Ona o lea, e le mafai e le DOH ona faasoaina atu i se auala puipuia pe tapeina nei faamaumauga pe a e talosaga atu ai. O oe e puleaina le faaaogaina o le WA Notify. E tatau ona faatagaina oe e lau telefoni feaveai ona tape faaaliga i le ono pesia pe tape ese faamaumauga o le fa'aaogaina o lenei polokalame ua sefe i lau telefoni i soo se taimi. E faaopoopo ane, e mafai ona e ave ese le WA Notify mai lau telefoni i soo se taimi. Afai e aveesea, o le a tape ese uma faailoga e le faasinoina sa sefeina.