WA Notify Tu’utu’uni Ngāue ki he Malu’i Fakamatala

'Oku ‘uhinga ‘a e tu'utu'uni malu'i fakamatala ko ‘eni ki he WA Notify (Fakatokanga WA), ko e tekinolosia faka'ofisiale ma'a e Siteiti Washington. Na'e fa'u 'a e WA Notify 'aki e vakai mo e fakangofua 'a e Washington State Department of Health (DOH, Potungaue Mo'ui).

Ko e ha 'a e ngaahi fakamatala 'oku mau tānaki mo ngāue'aki?

Ko e ngaahi fakamatala eni 'oku malava ke tānaki 'e he WA Notify:

  • Downloading pe fakangofua ngāue'aki WA Notify.
  • Ma'u ha fakatokanga na'e ai ha feohi va ofi.
  • Fakahu ha kouti fakapapau'i pe link ki he fakapapau'i.
  • Fakahu 'a e ngaahi kouti kehekehe ki he kakai na'e positivi pea na'a nau fili ke fakatokanga ki he kakai kehe.

'Oku ngaue'aki 'e he Washington State Department of Health (DOH, Potungaue Mo'ui) 'a e ngaahi fakamatala 'o e ngaahi me'a 'oku hoko 'i 'olunga ke mahino kiate kinautolu 'a e founga 'oku ngaue'aki 'a e WA Notify. 'E ala vahevahe 'a e ngaahi fakamatala ni mo e DOH, ngaahi va'a ngaue ki tu'a ki he mo'uilelei, pe ngaahi mafai kehe fakamo'uilelei. ʻE lava foki ke fakaʻaongaʻi ia ʻi ha foomu 'o fakataumu'a ki he fakasitetisitika pe fakasaienisi. ʻOku ʻikai ke kau ʻi he fakamatala ko ʻení ha fakamatala fakatāutaha pe feituʻu pe ʻe fakaʻaongaʻi ke ʻiloʻi ʻaki ha taha ʻokú ne ngāue ʻaki e polokalamá WA Notify.

Ke fakatatau ki he taumu'a 'a e Google mo e Apple, 'oku fa'u 'a e WA Notify ke ne malu'i mo mu'omu'a 'a e tokanga'i 'o e tokotaha ʻokú ne ngāue ʻaki. 'Oku fa'u leva 'e he WA Notify 'a e ngaahi 'elemeniti fakamatala, 'o 'ikai ke kau ai 'a e ngaahi fakamatala ke 'ilo ai koe:

Kouti Kehekehe

  • Ko e ngaahi Kouti Kehekehe ko eni 'oku vahvevahe ia 'i he Bluetooth 'o e ngaahi telefoni 'o kinautolu 'oku nau ngaue'aki 'a e WA Notify 'i he taimi va ofi ai.
  • 'Oku fa'u mo tauhi 'a e ngaai kouti Kehekehe ko eni 'i he telefoni, 'o 'ikai ko e WA Notify.
  • 'Oku ngaue'aki 'a e ngaahi kouti Kehekehe ke ne fakangofua 'a e WA Notify mo ho'o telefoni ke ne vakai'i pe na'e ai ha fetu'utaki va ofi mo ha COVID-19.
  • Ko e ngaahi kouti kehekehe ni 'oku tauhi ia 'o a'u ki he 'aho 'e 14.

Ngaahi kouti mo e links fakapapau'i

  • Kapau te ke sivi positivi ki he COVID-19, pea fetu'utaki atu ha taha 'i ho'omou potungaue mo'ui, te nau 'eke atu pe 'oku ke ngaue'aki 'a e WA Notify. Kapau 'oku ke ngaue'aki, te nau 'oatu 'a e kouti fakapapau'i pe link ke ke fakahu ki he WA Notify.
  • 'Oku 'oatu foki 'e he DOH also 'a e fakatokanga mo e/pe text mo e link fakapapau'i ki he tokotaha kotoa na'e sivi positivi COVID-19 koe'uhi ke ma'u vave 'e kinautolu 'oku nau ngaue'aki 'a e WA Notify 'a e fakatokanga ke nau na'e hoko 'a e fetu'utaki va ofi.
    • Ko e lomi 'a e ki'i fakatokanga ko 'eni pe ko e link te ne fakangofua 'a e WA Notify ke ne vahevahe 'a e kouti kehekehe kiate kinautolu na'e fakahoko ha fetu'utaki va ofi.
    • 'Oku 'oatu 'e he DOH 'a e text mo e link fakapapau'i ki he tokotaha kotoa na'e sivi positivi ki he COVID-19 koe'uhi he 'oku 'ikai ke tau 'ilo ko hai 'oku ne ngaue'aki 'a e WA Notify. Kapau 'oku 'ikai ke ke ngaue'aki 'a e WA Notify, tukunoa'i pe koe 'a e text.
    • 'Oku ke pule pe koe ke ke lomi 'a e fakatokanga pe ko e link fakapapau'i ke ne fakatokanga ia ki he kau ngaue'aki WA Notify kehe.

Fakamatala Ngāueʻaki (Usage Logs)

  • Hangē pe ko ha ngaahi app pe sevesi 'initaneti, 'oku tauhi 'e he WA Notify 'a e ngaahi fakamatala 'o e taim na'a ke ngaue'aki 'a e sevesi ko ia. 'Oku 'i he ngaahi fakamatala ko ia fekau'aki mo ho'o telefoni. 'Oku mau ngaue'aki 'a e ngaahi fakamatala ko ia ke fakalelei'i 'aki e WA Notify.
  • 'Oku 'ikai ke kau 'i he ngaahi fakamatala ko 'eni 'a e ngaahi kouti kehekehe pe link fakapapau'i 'o 'ikai ke malava ke ne tala ai 'a e ngaahi fakamatala fekau'aki mo koe pe ko ho'o telefoni.
  • 'Oku tamate'i pe 'a e ngaahi fakamatala ngaue'aki ko 'eni hili ha 'aho 'e 14 hono fa'u.

Ngaahi fakamatala Fakamā'opo'opo

  • Kapau te ke fili ke faka'aonga'i 'a e Ngaahi Fakamatala Fakamā'opo'opo, ko e ngaahi fakamatala fakangatangata pē 'e vahevahe mo e DOH ke tokoni ke fakalelei'i 'a e app.
  • 'Oku kau ki he ngaahi fakamatala ko 'eni 'a e ngaahi fika 'o e founga na'e ngaue'aki 'a e app. ʻOku ʻikai kau ai ha faʻahinga fakamatala ʻe lava ke fakaʻaongaʻi ke ʻiloʻi ai koe.
  • Te ke lava ʻo fili ke ʻoua naʻa ke vahevahe ʻa e fakamatala ko ʻeni ʻaki hono tamateʻi 'a e vahevahe analytics ʻi he app.

'I hono fa'u, 'oku 'ikai ke tānaki 'e he WA Notify 'a e ngaahi fakamatala mei ho'o telefoni pea 'oku 'ikai ke tānaki pe vahevahe fakamatala 'e felava'i ai koe pe ko ho'o telefoni mo e ngaahi kouti kehekehe pe kouti fakapapau'i.

Ko e ha e me'a 'oku hoko 'i he taimi 'oku ke kole ai ha kouti fakapapau'i:

Ko kinautolu 'oku ngaue'aki e WA Notify kuo nau sivi pe 'i 'api positivi 'i he COVID-19 'oku malava ke nau kole ha nau kouti fakapapau'i 'i he WA Notify koe'uhi ke ne fakatokanga'aki ki he kau ngaue'aki 'o e WA Notify 'a e faingmalie na'e fakahoko ha fetu'utaki va ofi. Ke ma'u atu ha'o kouti fakapapau'i ko kinautolu 'oku ngaue'aki 'a e, WA Notify kuopau ke nau fakahu 'a e 'aho na'a nau sivi positivi ai mo 'enau fika telefoni to'oto'o. Ko e me'a ngaue tatau pe na'e ngaue'aki ke kole 'a e koutí ko ia pē 'e ngaue'aki ke lomi 'a e link fakapapau'i ke 'ave ki he kau ngaue'aki kehe 'o e WA Notify ke fakatokanga na'e malava ke ai ha fetu'utaki va ofi.

Ke faka'ehi'ehi mei he lipooti tatau 'o ha sivi, 'oku tauhi fakataimi 'e he WA Notify ha cryptographically protected version 'o e fika telefoni na'e ngaue'aki ki he kolé 'o a'u ki he 'aho 'e 90. ʻOku ʻikai ke kau ʻi he fakamatala ko ʻení ha fakamatala fakatāutaha pe feituʻu pe ʻe fakaʻaongaʻi ke ʻiloʻi ʻaki ha taha ʻokú ne ngāue ʻaki e polokalamá WA Notify.

'Oku mau vahevahe ho'o ngaahi fakamatala 'i he taimi fē?

He ʻikai ke mau tānaki noa pē pe vahevahe ha taha hoʻo fakamatalá mo ha taha, kae ʻoua kuó ke fili ke fakahū ha kouti fakapapauʻi pe lomiʻi ʻi ha link fakapapauʻi. Ka 'o kapau te ke fili ki ai, 'e vahevahe 'e he WA Notify 'a e kouti kehekehe mo e ngaahi telefoni kehe na'e va ofi mo ho'o telefoni. He ʻikai lava ke fakafehokotaki ʻa e kouti fakapapauʻí pe link kiate koe ʻe ha taha ʻoku ʻikai ke ne lava ʻo hū ki hoʻo telefoni. Vakai ki he konga ki 'olunga 'o e peesi ko 'eni 'i he "Ko e ha e Ngaahi Fakamatala 'oku mau Tanaki mo Ngaue'aki?" ke 'ilo lahi ange ki he ngaahi fakamatala 'oku tanaki mo ngaue'aki 'i he WA Notify.

'Oku mau malu'i fēfē ho'o ngaahi fakamatala?

'Oku malu'i 'e he WA Notify 'a e ngaahi kouti kehekehe 'o ngaue'aki 'a e Google mo e Apple Exposure Notification Framework, 'oku 'i ai 'a e ngaahi fiema'u fakaikiiki ki hono founga fe'ave'akí. 'Oku 'ikai ke tauhi 'e he WA Notify 'a e ngaahi kouti kehekehe — 'oku tauhi ia 'i ho'o telefoni.

Ko ho'o totonu ki ho'o ngaahi fakamatala

Koe'uhi ko ho'o ngaahi kouti fakapapau'i mo e ngaahi fakamtala ngaue'aki 'e 'ikai lava 'o fakapatonu kiate koe 'o 'ikai fakafou 'i ho'o telefoni, 'oku 'ikai ke malava 'a e DOH 'o ma'u 'a e ngaahi fakamatala ko ia. Koe'uhi ko eni, 'oku 'ikai ke malava 'e he DOH ke ne 'oatu pe te ne lava 'o tamate'i 'a e ngaahi fakamatala 'o kapau te ke kole ki ai. Ko koe pē 'oku ke pule'i 'a e ngaue'aki 'o e WA Notify. 'Oku totonu ke faka'ataa koe 'e ho'o telefoni ke ke tamate'i 'a e ngaahi fakatokanga pe tamate'i 'a e ngaahi fakamatala tauhi mei ho'o telefoni 'i ha fa'ahinga taimi pē. Pea, 'oku ke lava pē 'o to'o (uninstall) 'a e WA Notify 'i ha fa'ahinga taimi pē. Kapau te ke fakahoko ia, 'e tamate'i kotoa 'a e ngaahi kouti kehekehe.